Словенија: Се намалува бројот на пациенти во болници, вкупно 95 се лекуват од коронавирус

Здравствените власти во Словенија потврдија 17 новозаразени со коронавирусот, јаво дописникот на МИА од Љубљана.

Тестирани во изминатото деноноќие се вкупно 572 лица, а како последица од Ковид-19 починаа уште тројца.

Објавено е и дека се намалува бројот на лица кои болнички се лекуваат, па така во овој момент во здравствените установи низ земјата се хоспитализирани 95 пациенти, а на одделите за интензивна нега се наоѓаат 35 тешко болни.

Жаришта на заразата остануваат домовите за стари лица, а најкритична е состојбата во домот во Љутомер, каде што им 79 лица заразени со коронавирусот. Најголем дел од нив се пензионери, а помал дел персонал и медицински лица.