Советот за безбедност на Обединетите нации едногласно го усвои своето прво соопштение од почетокот на руската воена акција на 24 февруари, изразувајќи „силна поддршка“ за напорите на генералниот секретар Антонио Гутереш да се најде мирно решение за „спорот“ во Украина.
Во изјавата се изразува длабока загриженост за одржувањето на мирот и безбедноста во Украина и се потсетува дека сите земји-членки, според Повелбата на Обединетите нации, се обврзани да ги решаваат своите меѓународни спорови со мирни средства.
Во соопштението усвоено на краткиот состанок вчера не се споменуваат зборовите „војна“, „конфликт“ или „инвазија“, како што многу членки на СБ ја нарекуваат тековната воена акција на Русија или „специјална воена операција“, како што ја нарекува Москва.
Русија, која има право на вето во Советот за безбедност на ОН, ги блокираше претходните обиди за усвојување соопштение за Украина.
