Левиот бек на Челзи, Бен Чилвел(25) поради повреда на бутниот мускул на левата нога ќе мора да паузира дури три месеци и нема да биде во составот на Англија за Светското фудбалско првенство кое од 20 ноември до 18 декември ќе се одржи во Катар.

Чилвел се повреди во судиското продолжение на дуелот против Динамо Загреб одигран претходно оваа недела во рамки на завршното коло од групната фаза во Лигата на шампиони.

Досега Чилвел има 17 настапи за Англија, а лани беше во составот на Гордиот Албион кој дојде до финалето на ЕУРО2020, но не влезе во игра.

Англија на претстојниот Мундијал е во групата Б заедно со Иран, САД и Велс.