Во седиштето на Регионалниот центар за гранични работи ЈУГ, во Кавадарци денеска министерот за внатрешни работи Оливер Спасовски, заедно со дел од раководстово на МВР, оствари средба и со раководствата на Секторите за внатрешни работи Струмица и Велес, со цел сумирање на резулатите и утврдување на приоритетите за идната 2024 година.

Министерот Спасовски информира дека од денешниот брифинг за СВР Струмица е информиран дека вкупната ефикасност во откривачката дејност на ова подрачје годинава бележи зголемување за 18%, споредбено со истиот период 2022 година, и изнесува 60%, наспроти ланските 42%.

-Тоа, главно се должи на зголемената ефикасност во делот на класичниот криминал, при што реализацијата е зголемена за 52% споредбено со истиот период лани, истакна министерот Спасовски.

Притоа, тој сподели статистички податоци во врска со ефикасноста на полицијата на ова подрачје под надлежност на СВР Струмица.

-Во 2023 година СВР Струмица може да се пофали и со зголемување на ефикасноста во расчистувањето на тешките кражби за 20,3% во споредба со минатата година, односно постигната е ефикасност од 58%, додека во делот на пријавени разбојништва реализирани се дури 90% од нив. Во однос на спречувањето на недозволена трговија со дрога во текот на 11-те месеци на подрачјето на СВР Струмица регистрирани се 58 кривични дела, а поднесени се 55 кривични пријави, што повторно претставува зголемување за 25 % за разлика од лани. Дополнително, четири кривични пријави се поднесени и од Законот за опојни дроги и психотропни супстанции, што е за 100% повеќе во однос на лани, појасни министерот Спасовски.

Информира дека намалување од 17% е евидентирано кај нарушувањата на јавниот ред и мир, а 100% е зголемен бројот на поднесени кривични пријави на лица кои вршат бесправна сеча, транспорт и продажба на огревни дрва.

– Овој Сектор за внатрешни работи во текот на годинава може да се пофали со реализирани 2.261 превентивни активности, од кои 1.272 од областа на криминалитетот, 454 од областа на јавниот ред и мир и 535 од областа на безбедноста на патниот сообраќај, истакна Спасовски.

За СВР Велес, министерот Спасовски кажа дека годинава има напредок во однос на откривачката ефикасност на полицијата, при што ги сподели податоците за работата на оваа организациона единица:

-И СВР Велес, чии резултати имавме можност да ги слушнеме на средбата, има напредок годинава, особено во однос на постигнатата вкупна откривачка ефикасност, која изнесува над 56%, со зголемување од 10%, споредбено со лани, а во делот на тешките кражби, бележи намалување на овој вид пријавени кривични дела за 39%. Во делот на недозволената трговија со дрога и оружје во текот на овие 11 месеци, СВР Велес поднесе кривични пријави за 63 кривични дела против 73 сторители. Овој Сектор бележи зголемување од 28% и на поднесените кривични пријави во областа на организираниот криминал, додека евидентирано е намалување на прекршоците во врска со јавниот ред и мир за 15,7%,информира министерот Спасовски.

Тој сумира дека СВР Велес заклучно со месец ноември 2023 година има реализирани вкупно 953 превентивни активности во сите области, што претставува зголемување за 43,9% проценти.

Фото: МВР