ССМ против ССМ, сега се против решението за минималната плата кое самите го бараа додека власт беше СДС, истакна на денешната прес конференција Валентин Манасиевски, член на ЦК на ВМРО-ДПМНЕ.
ССМ сами бараа минималната плата да се усогласува со растот на просечната плата и стапката на инфлација, а тоа се пресметува 50 проценти од порастот на просечната плата и 50 проценти од процентот на индексот на живот, со дополнителен услов, уделот на минималната во просечната плата задолжително да биде над 57 проценти.
ССМ ова го договори и го презентираше како историски успех, ВМРО-ДПМНЕ го почитува тоа што синдикатите го договориле со работодавачите.
Но каде е тука проблемот?
Сега не е повеќе СДС на власт, тие кои го поставија раководството во ССМ, на чело со Трендафилов, и синдикатот сега се користи за пресметка и политичка битка.
Тоа што за ССМ беше добро до пред неколку месеци, сега веќе не е.
ССМ се лицемерни и одат сами против себе, само за да исполнат партиска насока на СДС, рече Манасиевски.
