Белгија нема да учествува во мешаната штафета во триатлон во понеделник, откако еден од нивните спортисти се разболе, пренесува Дојче Веле.
Клер Мишел, која се натпреваруваше во женскиот триатлон во среда, беше хоспитализирана во недела пред да се врати во олимпиското село подоцна истиот ден.
Тест – пливањата во Сена, закажани за сабота и недела пред мешаната штафета во триатлон, мораше да биде откажано поради нивото на бактерии во водата.
Сепак, организаторите доцна во неделата објавија дека мешаната штафета во триатлон ќе се одржи во понеделник во 8 часот по локално време (0600 GMT), како што беше планирано.
Белгискиот олимписки комитет изјави дека се надева дека од ова ќе бидат научени лекции за во иднина.
„Клер Мишел, членка на штафетниот тим, за жал, е болна и мора да се повлече од натпреварот“, напиша комитетот во изјавата.
„Мислиме на гаранцијата за деновите на тренинг, деновите на натпревар и форматот на натпреварот, кои мора да бидат разјаснети однапред за да се осигура дека нема неизвесност за спортистите, придружбата и поддржувачите.“, стои во изјавата.
Нивото на бактерии во Сена под лупа
Мешаната штафета во триатлон е закажана за понеделник, со делот на пливање кој се уште е планиран да се одржи во Сена.
Светските упатства за безбедност на водата за триатлон и директива на Европската унија од 2006 година имаат доделено квалитативни вредности за различни нивоа на Ешерихија коли.
Според светските упатства за триатлон, нивоата на Ешерихија коли до 1.000 колониформи единици на 100 милилитри може да се сметаат за добри и може да се дозволи натпреварите да продолжат.
Организаторите рекоа дека тестовите за квалитет на водата направени на денот на индивидуалните трки во триатлон во среда покажаа многу добри нивоа на бактерии.
Сепак, нивото беше премногу лошо за да се дозволи тренингот за мешаната штафета да продолжи во сабота и недела.
Повеќе триатлонци заболуваат
Швајцарските официјални лица рекоа во сабота дека триатлонецот Адриен Брифод, кој исто така се натпреваруваше во Сена во среда, се разболе од стомачна инфекција.
И, во недела, заменикот на Брифод, Симон Вестерман, исто така мораше да се повлече поради гастроинтестинална инфекција, но тој не учествувал во никакви пливања во Сена.
Во меѓувреме, норвешкиот триатлонец Ветле Бергсвик Торн исто така се разболе ден по натпреварувањето во машкиот триатлон.
Арилд Твеитен, спортскиот директор на Норвешката триатлон федерација, рече дека причината за болеста на Торн е нејасна.
„Мислиме што и сите други мислат: дека веројатно е реката. Но, не знаеме. Може да биде реката, може да биде пилешкото“, изјави Твеитен за норвешкиот радиодифузер NRK.
„Докторот се наклонува кон можноста за труење со храна. Тоа е она што го сугерираат симптомите.“
М.П.
фото: Принтскрин
