Државната комисија за спречување на корупцијата (ДКСК), на еден ден пред избори, се вклучи во акција која во поранешните времиња се викаше Сите во одбрана и заштита (СВОЗ). Во случајов СВОЗ на актуелната власт.
ДКСК на денешната седница ги отрфрли сите пет приговори од ВМРО-ДПМНЕ и токму на ден пред претседателските избори, по допрен глас, отвори два предмета против актуелниот опозициски лидер Христијан Мицкоски.
Едниот, по допрен глас од портпаролот на СДСМ Костадин Костадинов, кого го повикаа да ги достави до Комисијата сите податоци со кои располага, е за добивање 33.000 метри квадратни државно земјиште за изградба на хидроцентрали и доделување концесија за користење вода за производство на електрична енергија со изградба на хидроцентрали на фирмата „Енерго тек“ ДО Скопје.
Вториот, исто по допрен глас, е дека во септември 2016 година Мицкоски е именуван за директор на АД ЕЛЕМ од страна на надзориот одбор, а истовремно продолжил да биде и надворешен соработник – советник на тогашниот премиер Никола Груевски од областа на енергетиката.
Во однос на првиот случај, според ДКСК суштината е тоа што како основач и сопственици на фиормата „Енерготек “ ДО е посочен Христијан Мицкоски и Димитар Димовски, кој во тој период вршел високи функции во Министерството за транспорт и врски. Според заклучокот од членовите на Комисијата постојат индиции за непотизам затоа што во периодот на доделување на концесиите и на земјиштето односно како сопственици на фирмата, истовремено Мицкоски е советник на тогашниот премиер и директор на ЕЛЕМ.
Овие два предмети, констатира ДКСК се класичен пример на злоупотреба на функции и судир на интереси.
Интересно е како инситуциите на власта, обвинителствата, како и ДКСК го слушаат „допрениот глас“ кога е во прашање напад на опозицијата, но многу гласни гласови во медиумите и во јавноста за непотизам, тендери и други кршења на законот не допираат до ушите на тие што „независно работат“ по допрен глас.
