Оваа табела покажува колкав е просечниот број на цигари испушено на годишно ниво по возрасна личност во секоја земја. Како што можете да видите, Македонија е на прво место со 2 515 цигари по возрасен човек, веднаш зад нас се Бугарите со 2 495 цигари, а на трето место е Молдавија со 2 432 цигари.
Од бившите ЈУ републики, лошо стои Словенија со 2 002 цигари, што е изненадување, тука е и БиХ со 2 060, па Хрватска со 1 918 цигари, а дури потоа доаѓаат Србите со само 1 709 цигари на годишно ниво по возрасна личност.
Според оваа категоризација изготвена од СЗО, не важи повеќе ни поговорката „пуши како Турчин“, бидејќи Турците трошат само 1 542 цигари по човек. Од западно европските земии најлошо стои Белгија со 1 284 цигари по човек, а најмалку се пуши во Норвешка – 365 цигари што возрасен човек на годишно ниво.
Како што е познато, цигарите се одговорни за најголем број случаи на некои од видовите на рак на белите дробови, а високо на листата на виновник се и за рак на мочниот меур. Цигарите се виновни и за неизлечивите болести на белите дробови означени со едно групно име како ХОББ, меѓу кои спаѓа и емфиземата.
Како виновник за ваквата состојба на Македонија секако е ниската свест, отуството на кампањи против пушењето, како и фактот дека цигарите во Македонија, Бугарија и Молдавија се најефтини во Европа.
