Во изминатите 24 часа, во светот се потврдени 805.794 нови случаи на коронавирус, а вкупниот број регистрирани случаи на инфекција од почетокот на пандемијата надмина 139,5 милиони, објави синоќа Светската здравствена организација (СЗО).
Бројот на новоинфицирани трет ден е над 800.000.
Според СЗО, од вирусот починале 13.171 лице, а вкупниот број смртни случаи е повеќе од 2,99 милиони.
Повеќе од 30 проценти од новите случаи на Ковид-19 во изминатите 24 часа се потврдени во Југоисточна Азија – 247.238, потоа во Европа – 239.757, и во Северна и Јужна Америка – 238.987 лица.
