Владата треба да продолжи со нормализација на ситуацијата и внатре во државата и надвор, изјави вечерва лидерот на ДПА, Мендух Тачи.
– Со нормализација на функционирање на институциите на системот затоа што пред нас имаме многу важни задачи, како што се отворање преговори за интеграција во ЕУ и ратификација на нашето членство во НАТО од страна на парламентите на државите што се членка на НАТО, изјави Тачи.
Изјавата ја даде по средбата со премиерот и претседател на СДСМ Зоран Заев во Клубот на пратениците.
– Разговаравме за неколку имиња, но оставивме да се вратиме во нашите партии, да разговараме со нашите структури и потоа заедно да одлучиме кое е името што котира највисоко, изјави Тачи.
Одговарајќи на новинарско прашање, Тачи рече дека би било добро да се номинира кандидат на Владата што значи, како што рече, продолжување на нормализација на оваа политика.
– Не би било коректно да истакнеме некој кандидат денеска. Се договоривме да се вратиме во партиите и потоа да имаме уште една средба, а истакнувањето да биде во симболика на заеднички кандидат, а не на кандидат на оваа партија или онаа, изјави Тачи.
