Деветнаесет годишна девојка вчера во скопската населба Карпош прегазила 81-годишен старец. Настанот, како што информира МВР, се случил на крстосницата од бул. „Партизански Одреди“ со ул.„Никола Парапунов“ во Скопје вчера околу 10.50 часот. И.С. (19) од Скопје, управувајќи патничко возило „Фиат“ со скопски регистарски ознаки, удрила во пешакот Л.Ф. (81) од Скопје.
Од ударот, Л.Ф. се здобил со тешки телесни повреди и со возило на Итна медицинска помош бил пренесен во Градска општа болница „8-ми Септември“.
По укажаната лекарска помош тој бил препратен на Клиника за торакална хирургија при комплексот клиники „Мајка Тереза“ на понатамошно лекување.
Увид на местото на настанот извршила екипа од СВР Скопје.
