Американскиот претседател Доналд Трамп денеска повторно ја критикуваше американската агенција за меѓународен развој (УСАИД), тврдејќи дека од агенцијата се украдени милијарди долари, јавува „Анадолу“, а пренесува ТВ 21.
„Изгледа дека милијарди долари се украдени од УСАИД и други агенции, а голем дел од нив одат на медиумите за лажни вести како „исплата“ за создавање добри приказни за демократите“, напиша Трамп на „Truth Social“.
Тој исто така сугерираше дека „левото крило „Раг“, познато како „Политико“, добило 8.000.000 долари.
Неговата објава дојде во време на дебата за медиумските организации кои добиваат владино финансирање што се интензивираше откако технолошкиот милијардер и шеф на Одделот за владина ефикасност (DOGE) Илон Маск критикуваше одредени медиуми за наводно примање исплати од федерални институции.
Маск, кој беше назначен од Трамп да ја надгледува ефикасноста на владата, ги коментираше трошењата на федералниот буџет на Ксу, тврдејќи дека администрацијата на поранешниот претседател Џо Бајден обезбедила средства за одредени медиумски организации.
Маск посебно укажа на плаќањата преку агенции како УСАИД.
„Ова може да биде најголемиот скандал од сите нив, можеби најголемиот во историјата! Демократите не можат да се сокријат од овој преголем, премногу валкан скандал“, напиша Трамп.
