Американскиот претседател Доналд Трамп ја повика Организацијата на производители и извознички на нафта (ОПЕК) да „олабави“ и да не ги zgolemuva цените на нафтата кои, според него, се превисоки.
Тој денеска на Твитер ја повика ОПЕК да не презема мерки за зголемување на цените на нафтата кои „стануваат превисоки“.
-ОПЕК, ве молам олабавете и смирете се. Светот не може да поднесе зголемени цени – тој е кревок!
Твитот на Трамп денеска предизвика видлив пад на цените на нафтата на светските берзи. Цените на поставките за мај на нафтата „Брент“ кон средината на денот се намалија до 66,33 долари за барел, додека цените на априлските поставки за тексашката „лесна“ нафта достигнаа 56,49 долари за барел.
Според познавачите, цените на нафтата реагираа и на позитивните вести од трговските преговори помеѓу САД и Кина.
Трамп и претходно неколку пати повикуваше ОПЕК да се воздржат од преземање мерки за зголемување на цените на нафтата.
