Доналд ТРАМП

„Значи, да се разбереме? На претседателот на Соединетите Американски Држави му е дозволено (и целосно одобрено од Конгресот!) да ја запре СЕТА ТРГОВИЈА со странска земја (што е многу потешко од царина!), и да ЛИЦЕНЦИРА странска земја, но не му е дозволено да стави едноставна царина на странска земја, дури ни за цели на НАЦИОНАЛНА БЕЗБЕДНОСТ.

Тоа НЕ е она што нашите големи основачи го имале на ум! Целата работа е смешна! Другите земји можат да нè царинат, но ние не можеме да ги цариниме??? Тоа е нивниот СОН!!! Бизнисите се влеваат во САД САМО ПОРАДИ ТАРИФИТЕ. ДАЛИ НА ВРХОВНИОТ СУД НА СОЕДИНЕТИТЕ АМЕРИКАНСКИ ДРЖАВИ НЕ МУ Е КАЖАНО ОВА??? ШТО ПО ЃАВОЛОТ СЕ СЛУЧУВА???

Претседател ДЈТ“

Ова го напиша денекса претседателот на САД, Доналд Трамп, на мрежата Truth social. НЕговата објава доаѓа откако, како што известија американските медиуми, тој во четвртокот им рече на новинарите дека би било „разорно за нашата земја“ ако го изгуби случајот за тарифите кон странските земји пред Врховниот суд. Според Си-Ен-Ен таа пресуда се чини сè поверојатна по сослушувањето пред Врховниот суд во средата, каде што либералните и конзервативните судии изразија загриженост за нивната легалност.

Ако е тоа случај, „ќе мора да развиеме втор план за игра“, рече Трамп. Всушност, тој план би можел да заврши со ограничување на неговите овластувања за воведување царини на хартија, со оглед на низата царински овластувања што тој ќе продолжи да ги задржува. Трамп, за разлика од кој било претходен претседател, се потпира на федерален закон познат како Меѓународен закон за вонредни економски овластувања за да донесе повисоки царини. Тоа ги вклучува сите таканаречени „реципрочни“ царини што ги зголемија царините до 50% за клучните трговски партнери, вклучувајќи ги Индија и Бразил, и до 145% за Кина претходно оваа година. Заедно, царините донесоа речиси 90 милијарди долари плаќања од американските увозници до крајот на септември, според податоците на американската царинска и гранична заштита. Речиси никој, дури ни адвокатите кои се спротивставија на администрацијата на Трамп во Врховниот суд, не очекуваат тој да се откаже од царините, што е клучен дел од неговата сеопфатна економска агенда.

Но, на прес конференцијата со унгарскиот премиер Виктор Орбан во петокот, тој рече дека само во оваа година, благодарение на неговите мерки, инвестициите во американската економија достигнале 20 трилиони долари, за разлика од еден трилион во четирите години на неговиот претходник, Џо Бајден.