Лионел Меси, според многумина најдобриот фудбалер на сите времиња, се соочи со неколку смртни закани за време на последното Светско првенство во Северна Америка.
Како што објави американското ФБИ (Федерално истражно биро), за време на Светското првенство, било планирано убиство на капитенот на фудбалската репрезентација на Аргентина.
ФБИ, во соработка со Меѓународниот центар за полициска соработка (IPCC), регистрираше неколку смртни закани.
Три се издвојуваат. Една од најсериозните била пред натпреварот помеѓу Аргентина и Јордан. Човек се јавил на аеродромот во Далас и тврдел дека тој и уште двајца ќе го нападнат стадионот со импровизирани експлозивни направи и пушка AR-15. Фудбалерите на двете репрезентации беа загрозени, а Меси беше посебно издвоен.
Уште посериозна закана се појавила пред натпреварот Аргентина – Египет. Едно лице наводно објавило порака на социјалните мрежи тврдејќи дека ќе влезе на стадионот во Атланта и ќе го убие Меси со експлозив што ќе го носи со себе. Поради ова, беше започната обемна безбедносна проверка на стадионот.
За време на натпреварот Аргентина – Египет, полицијата одговори на друга пријава. Според неа три бомби биле поставени во кантите за отпадоци на стадионот. Експерти за експлозиви и кучиња обучени за откривање експлозивни направиле темелно го пребарале стадионот, но не пронашле ништо.
Оваа информација фрла нова светлина врз настаните што се случија на крајот од Светското првенство, и сега веќе познатиот детаљ пред соблекувалната на Аргентина, кога Меси одржа необичен говор пред своите соиграчи.
