Турција синоќа објави дека соборила дрон што бил „надвор од контрола“ и се приближувал кон воздушниот простор на земјата од правец на Црното Море.
Инцидентот се случил по нападот со беспилотни летала на Украина врз руската „флота во сенка“ во близина на турскиот брег и предупредувањето на турските политичари дека опасноста од украинската војна се шири.
Авионите Ф-16 се кренале во воздух откако бил откриен одреден објект, соопшти турското Министерство за одбрана и додаде „за да се избегне каква било потенцијална штета, тој бил соборен во безбедна зона надвор од населеното подрачје“.
Не е наведено каде точно и кога се случил инцидентот.
Украина објави дека нејзините поморски беспилотни летала на 28 ноември погодиле два танкери во Црното Море. Трет брод беше погоден на 2 декември додека пловел кон турското пристаниште Синоп.
Турскиот претседател Реџеп Таип Ердоган ги осуди овие претходни напади како закана за „навигациската безбедност, животот и животната средина, особено во нашата ексклузивна зона“.
Фото: архива
