УХМР: Највисока температура во октомври е 32,6 степени во Гевгелија, а историски рекорд е 35,4

Екстремно топло со потпросечни врнежи се карактеризира времето во втората половина од октомври.

Од УХМР наведуваат дека според измерените вредности за среднодневната темпрература на воздухот првата декада од октомври се категоризира како вообичаена, но што се однесува на втората декада, земајќи предвид и прогнозираните температури до крајот на втората декада, се категоризира како екстремно топла, освен на западниот планински дел и се очекува да го надмине многугодишниот просек од три до пет степени.

Рекордните вредности на максималната температура на воздухот на повеќето метеоролошки станици во октомври не ги надминуваат многугодишните апсолутни вредности.

Највисоката температура во октомври годинава е измерена во Гевгелија од 32,6 степени, додека максималната измерена досега на ова мерно место е 35,4 степени. Максимално измерените темпратури во периодот од 1951 до 2018 година за октомври се 34,5 степени во Демир Капија, Штип 34,1, Скопје 33,6, Струмица 32,2, Прилеп 32,3, Битола 31,8, Крива Паланка 31,3, Охрид 28,9, Берово 31,5, Маврово 27,3 и Лазарополе 27,4 Целзиусови степени.скс/са/