Управниот суд ги одби сите 185 тужби од политичките партии за предвремените парламентарни избори и ги потврди решенијата на Државната изборна комисија, откако денеска ги разгледа и одлучуваше и по последните четири тужби.
– Одлуките се одбивателни. Сите четири тужби коишто денеска беа разгледувани и одлучувано. ВМРО-ДПМНЕ две, една Демократи и една Единствена Македонија, тужбите се одбиени и се потврдени решенијата од ДИК, изјави денеска Ивана Смугреска од Управиот суд.
Пресудите коишто ги донесе Управниот суд се конечни, односно како што појасни Смугреска, против истите се нема право на жалба.
-Откако ќе бидат изготвени, верификувани пресудите истите веднаш се доставуваат до ДИК и до тужителите, односно до партиите. Роковите сега течат, не од понеделник – изјави Смугреска.
Појасни дека судечките совети нашле дека тужбите се неосновани, односно се судело врз основа на Изборниот законик, одредбите во Изборниот законик, така што во тужбите не може да се предлагаат нови докази, нови околности.
-Може да се предложат истите докази, факти и околности коишто биле предложени пред ДИК, тоа е предвидено во Изборниот законик, така што Управниот суд постапува во рамките на своите законски надлежности и нашол дека тужбите се неосновани – изјави Смугреска.
Во тужбите, Алијансата и Алтернатива тврдеа дека на многу гласаки места гласале мртви, како и дека се регистрирани гласови на луѓе кои не се во Македонија.
Некои партии пак тврдеа дека ги нема гласовите и гласачките ливчиња на лица кои се на нивните листи, и кои нормално, гласале за себе!
Ништо не се случи и од гласно најавуваните тужби на Левица, која поднесе приговори до ДИК без потпис и печат.
Од седницата на ДИК на која се решаваше за приговорите, меѓу брпјните небулози, ќе остане запомнена и таа на „Борче“ Кондарко дека ДИк не била шалтер за „изгубено-најдено“!
