Уругвајскиот напаѓач Луис Суарез (35) и официјално е нов член на Гремио, соопшти бразилскиот фудбалски прволигаш.
Суарез во редовите на бразилскиот клуб дојде без обесштетување, потпишувајќи договор до крајот на 2024 година.
„Еден од најдобрите светски напаѓачи е најново засилување на Гремио“, објави двократниот бразилски шампион (1981, 1996).
Суарез кариерата ја почна на 13-годишна возраст во Национал од Монтевидео, а во 2005 година се пресели во Европа и настапуваше за Гронинген, Ајакс, Ливерпул, Барселона и Атлетико Мадрид.
Кон средината на 2022. се врати во Национал и му помогна на матичниот клуб да ја освои уругвајската титула.
