Дефанзивецот на Ливерпул, Вирџил ван Дајк, ги коментираше резултатите од гласањето за „Златната топка“. Холанѓанецот го зазеде второто место, загуби од капитенот на Барселона, Лионел Меси.
-Меси е извонреден играч, прекрасен, фантастичен. Тој победи по шести пат. Бев многу блиску до трофејот, но сепак, тој беше малку подобар од мене. Горд сум на она што го направив минатата сезона. Никогаш не помислив дека можам да ја освојам „Златната топка“. Имам сосема друга кариера, но никогаш не се откажав од соништата. Да се биде тука е голема чест за мене, напиша Холанѓанецот на Твитер.
„Златната топка“ се доделува секоја година од 1956 година на најдобриот фудбалер на годината.
