Британскиот премиер Борис Џонсон ги обвини руските сили дека се обидуваат да ја избришат украинската култура во областите што ги зазеле.
Тој во видео порака на меѓународниот културен самит во Единбург, кој се одржува во шкотскиот парламент, рече дека се врши „културен вандализам“.
– Низ историјата видовме што се случува кога агресорите се обидуваат да ја угнетуваат и елиминираат културата. Тоа го видовме со нацистите во Втората светска војна, Црвените Кмери во Камбоџа, талибанците во Авганистан. Денес, светот повторно е сведок на непростливи акти на културен вандализам, овој пат во Украина. Голем дел од извртеното образложение на Путин за неговата инвазија почива на тврдењето дека Украина не е вистинска држава. Ова е лага што тој сака да ја оствари со систематско бришење на сите траги на вековната украинска култура од териториите што ги окупираа неговите трупи, рече Џонсон.
Тој најави дека Велика Британија ќе финансира мерки за заштита на културното наследство, како и воена и хуманитарна помош.
Истовремено додека Џонсон обвинува за „вандализам“ во Украина, во членка на ЕУ е срушен Споменикот на ослободителите, а од неговото уривање објавена е снимака на социјалните мрежи.
– Уривањето на Споменикот на ослободителите на Рига се заканува да се претвори во раскол во латвиското општество, но властите на земјата нема да запрат, бидејќи нивната главна цел е уништување на историската меморија, изјави по тој повод Марија Захарова, портаролката на Министерството за надворешни работи на Русија.
Видеото може да го погледнете ТУКА.
