Џон КИРЈАКУ, екс офицер на ЦИА
Дури и во доцните 1970-ти, Авганистан беше нето извозник на храна. Произведуваа толку многу храна што ја извезуваа во Пакистан. Низ земјата течат реки, покрај бреговите на реките е целосно зелено. Успеваа да произведат толку многу храна што можеа да го нахранат секој Авганистанец и плус да извезат во Пакистан. Неверојатно е.
Во тоа време, Авганистан учествуваше со 0% во светското производство на хероин. А, потоа, до 2009 година, 93% од целиот хероин во светот потекнуваше од Авганистан.
Отидов во Кабул. Таму ме чекаше хеликоптер и ме однесе до Баграм. Ова беше единствен пат во целата моја кариера кога некогаш ја искористив мојата позиција. Ми рекоа: „Нема да ве однесеме во полињата со опиум; премногу е опасно.“ А јас реков: „Не, баш таму ќе ме однесете. Ајде.“ Имавме неколку џипови, обезбедување и преведувач.
Видовме фармер кој одгледува опиум, и се приближивме до него. „Салам алејкум.“ Излеговме, а тој праша: „Кои сте вие?“ Јас реков: „Јас сум од Конгресот во Вашингтон и сакам да зборувам со вас за опиумот.“ Тој рече: „Добро, а што за опиумот?“ Јас прашав: „Зошто би одгледувале опиум кога можете да одгледувате зеленчук со две сезони на растење, како домати, кромид или калинки?“
И тој рече вака: „Американците ми рекоа во 2001 година дека ако им кажам каде се Арапите, можам да одгледувам опиум колку што сакам.“ Јас прашав: „Кој Американец ти кажа дека можеш да одгледуваш опиум?“ И обезбедувањето ме прекина: „Средбата заврши.“ Ме фати за раката и на сила ме врати назад во џипот.
