Диносаурус од скапиот проект на градоначалникот Петре Шилегов, само по неколку месеци откако „оживеа“ во скопската Зоолошка градина, си го скрши вратот и потребна му е итна помош.
Како што е познато, кон крајот на мај, во Зоолошката градина беше отворен Дино паркот со 41 диносаурус во природна големина. Во паркот кој зафаќа површина од 2.000 метри квадратни, посетителите можат да видат Тираносаурус, Стегосаурус, Алосаурус и другите диносауруси.
Но, само по два и пол месеци, на еден од диносаурусите вратот му е скрешен.
Градоначалникот Шилегов, кој постојано се заканува со уривање на „градбите од стиропор“ од проектот Скопје 2014, кога ќе се врати од годишен одмор, да ги потсети скопјани колку пари чинеше неговиот проект од диносауруси на кои по неколку месеци им се крши вратот.
На помпезното отворање на Дино паркот на Шилегов се слика целиот државен врв, а градоначалникот се пофали дека ова е само почеток на тоа што недостигаше долги години во Скопје.
https://www.facebook.com/watch/?v=885857475344959&t=1
