Поршето паркирано во Дебар маало, кое полицацеот не даваше „пајакот“ да го крене е во сопственост на Срѓан Керим, ексминистер за надворешни работи, амбасадор на Македонија во Обединетите Нации и во Германиј. Неговите иницијали се најдоа и во информацијата од МВР, од каде може да се заклучи дека тој го управувал возилото бидејќи стои: „на возачот на возилото С.К. издаден му е платен налог“.

Порталот „Скопје1“ се обрати до Керим. Откако не им одговорил на телефонскиот повик, им испратил порака: „Ве молам пишете порака“. Па му се обратиле писмено. Испратиле повеќе прашања, меѓу кои и: „Зошто полицаецот требаше да влезе во кафеаната каде седевте и да разговара со вас, за да може да постапи согласно законот?“. Потоа го прашале: „Бевте министер, амбасадор во ОН и Германија, имате меѓународна кариера. Зар вака се паркира ширум светот и вака се постапува кога полицијата го спроведува законот?“.

На ова, тој не одговорил конкретно. До „Скопје1“ испратил став во кој стои: „Нема потреба од никакви коментари. Постапено е според позитивните прописи што важат во вакви случаи“.

Случајот стана вирален денеска на социјалните мрежи, а според МВР настанот се случил во сабота на 22 март. На видеот зе гледа дека „пајак“ службата на ПОЦ не го крева непориписното паркираното порше во Дебар маало, а полицаецто вели дека возилото е службено. Потоа оди, се консултира со некого, па дури тогаш постапува законски, но јасно е од снимката дека тоа е сторено под притисок ан неколумина граѓани кои беа на лице место и го снимаа настанот.