Во тек се обемни операции за пребарување и спасување на лица кои можеби се заробени под урнатините, откако денес, 30 јуни, во населбата Петралона во Атина се урна четирикатна станбена зграда за време на работа на соседна зграда.
Според податоците на противпожарната служба, во еден момент барале четири лица, тројца мажи и една жена, но подоцна биле лоцирани по телефонски контакт, објавува Катимерини.
И покрај ова, спасувачките екипи продолжуваат да го пребаруваат подрачјето поради можноста дека сè уште има луѓе затрупани под урнатините.
На терен се околу 30 пожарникари со осум возила, специјално возило за спасување и две кучиња за следење на 1-та единица ЕМАК, како и припадници на полицијата, службите за итни случаи и службите за електрична и водоводна инфраструктура.
Во операцијата учествуваат три екипи на брза помош, мобилна медицинска единица и итен мотоциклистички тим на ЕКАБ, додека болниците „Гениматас“, „Сотирија“ и „Канеио“ се во состојба на готовност.
Во меѓувреме, пет работници и сопственикот на соседното градилиште се приведени за да се проверат околностите под кои се извршени работите, додека надлежните служби истражуваат дали сопственикот имал законска градежна дозвола.
Според достапните информации, постоела дозвола за изградба на петкатница, а четирикатницата што се урна имала седум станови, пренесува Танјуг.
