Најдобриот светски тенисер Новак Ѓоковиќ ја почна денеска одбраната на титулата на турнирот во Вимблдон со победа во четири сета, 4:6, 6:1, 6:2, 6:2 над Британецот Џек Драјпер.
За победа над 253 – рангираниот тенисер на АТП листата на Ѓоковиќ му беа потребни два часа.
Британскиот дебитант на грен-слем турнирите во третиот гем од првиот сет направи брејк и ја зачува предноста за да поведе со 1:0 во сетови, по што Ѓоковиќ го крена нивото на игра и со по два брејка во следните три сета обезбеди пласман во второто коло.
Следен противник на Ѓоковиќ ќе биде победникот од дуелот меѓу Чилеанецот Марсело Вера и Кевин Андерсон од Јужна Африка.
