Економијата во Македонија тоне, а заради неспособната владата на СДСМ на чело со неекономскиот тим, државата ги доживува најцрните денови, соопшти денеска ВМРО-ДПМНЕ.
– Македонија е на дното на Балканот и во Европа по економскиот раст и привлекување на инвестиции. Нема просечна плата од 500 евра. Над 500.000 луѓе во Македонија живеат под прагот на сиромаштијата додека СДСМ троши по еден милион евра за реклами. СДСМ единствено се грижи за своите бизниси додека македонскиот граѓанин гладува. Огромни 70 % од граѓаните во државата земаат плата помала од просечната. Младинската невработеност е една од највисоките во Европа и регионот со 35% додека во некои општини во Македонија изнесува и до фрапантни 80 %. Долгорочната невработеност кај младите изнесува и до 40 % што значи дека младите во просек едвај наоѓаат работа и по три години од дипломирањето. Над 70 % од младите сакаат да се иселат од државата. СДСМ донесе само неуспех и уназадување како на економијата така и во сите сфери на општеството. СДСМ мора да си замине за обновата да почне, се вели во соопштението.
