Началникот миленик на Заев и Спасовски фатен како зема мито, е пример како работи цела влада, се истакнува во соопштението од опозициската ВМРО-ДПМНЕ, во врска со најновиот скандал на мито и корумпираност на државни службеници:
– Ељхам Шкрета, началникот кој беше уснимен како бара и зема мито од 120 евра на граница, е истиот тој кој се закануваше на социјалните медиуми, во одбрана на Заев и Спасовски. Шкрета беше заштитник на Заев и Спасовски на социјалните мрежи. Дали тоа се должело на неговите нелегални активности и криминал кој го правел? Потребен беше странски медиум да открие криминал во МВР, наместо внатрешната контрола. Ова говори дека Шкрета е штитен од врвот на МВР, се вели во соопштението.
Случајот со Шкрета, се додава во реакцијата, е само еден пример како функционира оваа власт која е во срж корумпирана.
– На луѓе им се бара мито и се прави криминал од граница до генерален секретаријат на влада. Системот на СДСМ е трул, и го гризе општеството, велат од ВМРО-ДПМНЕ.
