На денот кога бележиме 117 години од смртта на Гоце Делчев, Заев и СДСМ го негираат неговиот македонски идентитет, реагира денеска ВМРО-ДПМНЕ.
– Заев се уште молчи во однос на бугарскиот документ со кој ние го губиме јазикот и се откажуваме од нашите корени. Заев и СДСМ се откажаа од Гоце Делчев и сите негови соборци и продолжувачи на неговата идеја. Заев и СДСМ се откажаа од државата Македонија. Македонскиот јазик кој е официјално признаен јазик од страна на ОН, сега со помош на Заев е оспорен и е предмет на договарање. Заев и даде алатка во рацете на Бугарија да не закочи на секој чекор кон ЕУ, доколку не се откажеме од нашиот јазик и нашите корени. СДСМ систематски ја урива Македонија. Разнебитувањето на државата мора да запре, се вели во реакцијата од ВМРО-ДПМНЕ.
