Министерот за внатрешни работи Оливер Спасовски заедно со граѓаните верници, како што напиша на неговиот фејсбук профил, присуствувал на Света Божествена Литургија во манастирот „Св. Јоаким Осоговски”, по повод празникот на чудотворецот кој е патрон на манастирот и светец-закрилник на Крива Паланка.
– Свети Јоаким Осоговски бил светител и Божји угодник, кој не бил само човек кој правел подвизи и дал пример само за тоа време, туку подвизи за пример за сите генерации, за тоа како се живее со очистено срце и просветлен ум, на еден повисок духовен степен. Во име на подвизите на овој голем светец, на сите православни верници им посакувам добро здравје и духовен мир. Нека е за честит и за многу години празникот на Св. Јоаким Осоговски!, објави министерот Спасовски на Фејсбук.
Во објавата на Спасовски не е споменато дека во манастирот е заедно со претседателот Стево Пендаровски и неговиот кривопаланечки колега Љупчо Николовски. Но, од фотографиите што ги објавува се гледа дека биле заедно во манастирот каде запалиле свеќи за здравје по повод празникот.
