Тајландски судија си пукал во гради во судница откако ослободил петмина муслимани осомничени за убиство и го критикувал правосудниот систем.
Судијата Канакорн Пијанчана ги ослободил осомничените поради недостиг на докази.
По пресудата, тој изговорил заклетва, извадил пиштол и се застрелал во градите.
Инцидентот се случил во петокот, а судијата преживеал и бил хоспитализиран.
Според Би-Би-Си, постои соопштение за кое се верува дека го напишал судијата и кое навестува дека тој се обидел да се самоубие поради наводно мешање во случајот.
Целиот инцидент бил пренесуван во живо преку Фејсбук, кој бил прекинат во еден момент а судијата рекол дека се потребни јасни и веродостојни докази за да се казни некој.
– Ако не си сигурен, не ги казнувај. Не велам дека петмината осомничени не сториле кривично дело, но правосудниот процес мора да биде транспарентен и кредибилен… казнувањето погрешни луѓе од нов прави жртвени јагниња, рекол судијата.
