Времето во Македонија денеска ќе биде сончево со мала локална облачност, со можна појава на магла по одделни котлини во утринските часови.
Како што информираат од УХМР, ќе дува слаб до умерен ветер од северен правец, поизразен долж Повардарието, додека минималната температура ќе биде во интервал од -2 до 8, а максималната ќе достигне од 14 до 21 степен.
Во Скопје утрово постудено со услови за појава на слаба магла. Во текот на денот претежно сончево со слаб до умерен ветер од северен правец. Минималната температура ќе се спушти до 2, а максималната ќе достигне до 20 степени.
Продолжува периодот на претежно сончево време, но со постудени утра, а минималните температури на повеќе места ќе се спуштаат под нула степени. По одделни котлини ќе има услови за појава на утринска магла или ниска облачност, соопшти УХМР.
Минималната утринска температура ќе се спушти до минус шест, а максималната дневна ќе достигне 20 степени.
Фото: МИА архива
