За домашниот енергетски сектор следните седум денови ќе бидат многу важни и потоа ќе се разговара со „руски, американски и европски партнери“ за да се најде решение за снабдувањето со гас и нафта,. Доколку не се најде решение тогаш државата во наредната недела потоа, сама ќе донесе одлуки. Тоа синоќа на Инстаграм го објави српскиот претседател Александар Вучиќ.
„Следната недела е исклучително важна и во таа недела ќе разговараме со руските, американските и европските партнери за да најдеме решение. Ако немаме решение за проблемите следната недела, ние самите ќе донесеме одлуки таа недела и ќе го заштитиме населението… Верувам дека ќе обезбедиме доволни количини (за сите енергенси)“.
Според него, Србија „ќе биде апсолутно безбедна за се до 10 или 15 ноември“, и додаде дека неодамна воведените санкции врз Росњефт и Лукоил, што САД првично ги воведоа врз неевропските филијали на тие компании, „ќе стапат во сила на 21 ноември“.
Покрај санкциите воведени врз тие компании и врз Националната индустрија на Србија, Вучиќ рече дека дополнителен проблем за домашното снабдување е несреќата во унгарската рафинерија за нафта МОЛ, за која рече дека истрагата ќе покаже дали станува збор за саботажа.
