Вулин за ТВ Пинк изјави дека од разузнавачка служба му било кажано дека ќе направат се за да го компромитираат со тоа што ќе покренат голема медиумска кампања и каква било друга кампања против него, доколку не ги промени политичките ставови.
– Вучиќ за ова беше информиран од нашите разузнавачки служби дека ова се подготвува и очекувам масовен напад врз мене следната недела, веројатно околу конституирањето на парламентот, рече Вулин, наведувајќи дека е запознаен со медиумите преку кои ова би да се направи.
Според него, „условот бил тој да почне да работи за нив, да си замине од политиката“ за да не се случи тоа, а како што додаде, им пречат неговите ставови кон „српскиот свет“, неговиот однос кон Европската Унија, Русија.
– Чесно е да ја загубам фотелјата, можам да ја загубам главата, но не сакам да бидам шпион на ниту една разузнавачка организација, работам само за српскиот народ и српската држава. Јас сум лојален на претседателот на сите Срби – Вучиќ, рече Вулин.
Тој натаму прашува:
– Дали Вучиќ ќе може да издржи – притисокот што ќе биде врз мене е помалку важен, притисокот ќе го издржам и не ја менувам својата политика. И секако дека Вучиќ не треба да дозволи странски агенти да ја формираат неговата влада, рече Вулин, наведувајќи дека за ова го информирал Вучиќ, а тоа го направиле и српските служби
