Велика Британија може да користи специјална единица на Министерството за одбрана, формирана од финансиски експерти и поранешни вработени во Лондонско сити, против Русија, Кина и Иран, пишува британскиот весник Фајненшел тајмс.
Според изданието, доверливата експертска група и помага на британската војска да ги подобри своите вештини за економска војна и да ја заштити земјата од заканата од тероризам, кибер напади и насочено ширење дезинформации.
Изданието забележува дека единицата е формирана пред шест години и била активно користена за да се спротивстави на активностите на терористичката ИД во Ирак и во Сирија. Резервистите на групата со искуство во областа на финансиите ги советувале другите специјални сили, британското разузнавање и 77-та бригада на британската армија, специјализирана за електронска и психолошка војна.
Изданието пишува дека не може да ја специфицира големината на единицата и неговите функции од безбедносни причини, но забележува дека побарувачката за специјалисти, познавањето на меѓународните финансиски текови во британските вооружени сили сега е одлично. Весникот ова го припишува на наводната растечка закана од Русија и Кина.
