Се надевам дека Бугарија ќе биде една од првите држави што ќе го ратификуваат договорот за присоединување на Северна Македонија во НАТО, оти тоа е од национален интерес за Бугарија, изјави бугарската министерка за надворешни работи Екатерина Захариева.
– Бугарија има интерес Северна Македонија да биде наш сојузник во НАТО. Истото се однесува и за влезот на Северна Македонија во Европската унија, рече шефицата на бугарската дипломатија.
Посочи дека ратификацијата во бугарскиот Парламент може да се случи веќе наредната седмица или таа после неа, со што Бугарија ќе биде една од првите држави што ќе го ратификуваат договорот за пристапување на Северна Македонија во НАТО.
