Четири автомобили се опожарени синоќа, меѓу кои и возилото на сопругата на поранешниот градоначалник на Скопје, Петре Шилегов.
Автомобилот марка ауди Q3, последно го возела и го паркирала пред зградата во која живеат во скопската населба Тафталиџе. Пожарот избувнал околу 3 по полноќ, а освен џипот огнот ги зафатил и возилата на соседот на Шилегов – Пасат, Матиз и Нисан.
Соседите од околните згради велат дека слушнале пукање на гуми и го виделе пламенот. Противпожарните служби набргу интервенирале но веќе биле зафатени останатите автомобили.
Од МВР велат дека се работи на расчистување на случајот, а јавноста ќе биде информирана откако истрагата ќе заврши..
