Министерот за правда Бојан Маричиќ денеска ќе престојува во еднодневна работна посета на Косово и на средба со косовската министерка за правда Албулена Хаџиу ќе потпише договор за заемна правна помош во граѓанските предмети.
Министерството за правда соопшти дека помеѓу двете држави постојат тесни економски, политички, културни и други врски, поради кои е потребно олеснување на постапките пред институциите на двете држави.
-Со склучувањето на овој договор се воспоставува и дипломатскиот пат на комуникација, кој ќе овозможи побрза и поефикасна граѓанска постапка и ќе се овозможи директна комуникација меѓу надлежните органи на двете држави за побрз одговор и од двете страни, без претходно процедурите да минуваат преку двете министерства за правда, наведува Министерството.
Во Македонија во официјална посета денеска ќе престојува министерот за одбрана на Република Косово, Арменд Мехај.
Тој напладне во МО ќе има средба со македонската министерка за одбрана Радмила Шекеринска, по што двајцата министри ќе дадат изјави за медиумите.
