Се претпоставува дека најмалку 91 ученик се заробени под урнатините на училишната зграда на Исламскиот интернат Ал Козини, во индонезискиот град Сидоарџо.
Повеќе од 300 спасувачи се обидуваат да ги ослободат преживеаните ученици. Спасувачите на заробените ученици му доставуваат кислород, вода и храна под урнатините за да ги одржат во живот.
Училишната зграда се урна пред два дена додека учениците биле на попладневна молитва. Заробените ученици се на возраст од 12 до 18 години. Во несреќата не се повредени ученички, бидејќи тие се молеле во другиот дел на зградата и успеале да се извлечат.
Досега е потврдена смртта на три ученици, а сто се здобиле со повреди на главата и фрактури на коски.
Зградата се урна поради неовластено проширување, при што попуштиле темелите под тежината на двата ката бетон.
