Евентуално енергетско примирје би можело да биде првиот сигнал за вистинската подготвеност на Русија да ја заврши војната, изјави денеска украинскиот претседател Володимир Зеленски.
„Енергетско примирје како прв чекор, верувам дека е првиот сигнал“, рече Зеленски.
Според него, Украина е подготвена за трилатерални разговори на ниво на технички групи, што треба да резултираат со конкретни резултати.
Како што изјави, на таков состанок би можело да се развие документ за завршување на војната, кој би можел да содржи договор за енергетско примирје или деблокада на поморскиот сообраќај. Зеленски претходно изјави дека Украина, САД и Русија се согласиле да одржат трилатерален состанок на ниво на преговарачки тимови во првата половина на ноември.
