Украинскиот претседател Володимир Зеленски во своето редовно ноќно видео обраќање до нацијата кажа дека од почетокот на војната украинските сили собориле речиси 250 руски хеликоптери.
-Вкупниот број на соборени руски хеликоптери е приближно 250. Руските окупатори веќе изгубија толку многу опрема, не само авиони, што повеќето светски армии едноставно немаат и никогаш нема да имаат, рече Зеленски.
„Русија нема да може да закрепне од таквите загуби. Им благодарам на сите наши борци за постепената и неповратна демилитаризација на непријателот“, заклучи украинскиот претседател во ноќното обраќање до нацијата.
