ЗЕМЈОТРЕС ВО СРБИЈА: Потресот од 3,7 степени според Рихтеровата скала, со епицентар кај Врање, е почувствуван и во Македонија

Земјотрес со јачина од 3,7 степени според Рихтеровата скала утрово е регистриран во близина на северната граница на Македонија со Србија, на 10 километри северно од Врање. Земјотресот бил почувствуван и во Куманово.

– На 13.10.2024 година во 04:48 часот по локално време, земјотрес со јачина од 3,7 степени според Рихтеровата скала е регистриран во регионот на Врање, на 10 километри северно. Теоретскиот интензитет во епицентарот беше проценет на V-VI степени од Меркалиевата скала, соопшти Републичкиот сеизмолошки завод – Србија.

Земјотресите со ваков интензитет можат да предизвикаат помали оштетувања на зградите во епицентралното подрачје.

Втор помал земјотрес со јачина од 2.8 степени во истиот регион е регистриран во 8:27 часот по локално време.

Фото: Републички сеизмолошки завод – Србија