Па добро прашање, затоа што фактички одговорот на ова прашање е објаснување на континуитетот на лажење на премиерот. Претседателот на партијата не зборуваше за мигрантски кампови, зборуваше, цитирам, за економски работници. Зборуваше за мигранти, за пари и тоа беше многу јасно кажано. Значи може и Мицкоски и ВМРО-ДПМНЕ како сакаат да ги наречат овие луѓе, дали сакаат да ги наречат мигранти, азиланти, цитирам, бегалци или економски работници, се вели во соопштението на СДСМ од денешната прес-конференција на Андреј Жерновски, член на ИО на СДСМ, што МИА го пренесува интегрално.
Суштината е иста. Се менува терминот само колку да се направи манипулација со вистината.
Затоа внимателно треба да го слушаме и да го гледаме Мицкоски, не што кажува за мигрантите, тукушто не кажува.
Сетете се како кажа кога не демантираше, кога се обиде да не демантира дека во Македонија нема да има илегални работници и дека во Македонија нема да има бегалски кампови. Точно. Значи тоа што не го кажа е дека тие работници ќе работат легално и не кажа дека нема да бидат во бегалски кампови, туку ќе си функционираат, ќе се движат насекаде.
Да потсетиме, не СДСМ, туку ВМРО-ДПМНЕ со својот коалициски партнер донесе одлука, односно закон за странци со којшто се олеснува процедурата да дојдат во нашата држава, да престојуваат во нашата држава и да работат во нашата држава.
Понатаму, одлука за отворање на вратите донесе токму ВМРО-ДПМНЕ во 2026 година со 10.000 работници.
Значи се прави простор за работници од странство, а за жал можевме да видиме дека македонските работници се бркаат од работа и се праќаат дома.
Христијан Мицкоски лаже. Од сите премиери во светот, од сите премиери во Европа има само еден, и тоа е на овој брдовитиот Балкан, поточно во Македонија, којшто употребува термин којшто досега не е познат во политиката. Тоа е терминот „вистинска вистина“. Сте го слушнале. Но кој човек зборува за вистинска вистина? Оној што има друга вистина. Тоа е лажна вистина.
Токму тоа е тема на денешната прес-конференција. Тоа е лажната вистина на Христијан Мицкоски.
Ајде да видиме дали СДСМ лаже кога вели дека Мицкоски лаже.
Со лага дојде на власт. Во октомври 2019 година изјави дека „ ако ги изгубам парламентарните избори ќе си дадам оставка’. Ги изгуби парламентарните избори, не си даде оставка. Излажа.
Дојде на власт со лага. Кажа, вети на граѓаните, на гласачите дека кога ќе дојде на власт ќе го промени Преспанскиот договор, ќе го промени уставното име, ќе го врати старото име. Повторно излажа, но не им кажа на гласачите, не им кажа на граѓаните дека тоа значи ќе бидеме ФИРОМ, дека ќе бидеме БЈРМ.
Не им кажа дека треба да го напуштиме НАТО и дека нема да бидеме безбедни.
Сега измислува повторно конфликти со соседите, сè со цел да ја држи земјата изолирана и се разбира, Македонија за жал да има блокиран европски пат.
Да потсетиме уште нешто. Рече дека доколку се открие поврзаност помеѓу ВМРО-ДПМНЕ и него и агенцијата за обезбедување од дискотеката „Пулс“ во Кочани, дека ќе си даде оставка.
Повторно излажа. Потоа велеше, како советник на Никола Груевски, дека работи про боно. Се сеќавате? Повторно излажа.
Значи може да констатираме што прави Мицкоски кога ќе го фатите во лага. Одговара со нова лага. Ветуваше одговорност, ветуваше правда. Сега го штити Тошковски.
Меѓутоа криминалците останаа во власта, во врвот на власта, одговорност нема, а правдата е погребана.
Одиме понатаму. Пред неколку дена во македонското Собрание, на прашање на претседателот на СДСМ, Венко Филипче, за негова поврзаност со Душан Адамовиќ, рече дека зад неговата поставеност како конзул на Србија стои, цитирам, македонскиот амбасадор. Повторна лага.
Бидејќи почесен конзул, кај нас, се носи со одлука на Влада, на седница на Влада, на предлог на Влада, како и амбасадор. Повторно излажа. Ајде да видиме кој стои зад назначувањето, всушност, на Адамовиќ.
Оваа слика позади мене објаснува сè. Погледнете кои се на сликата. Се разбира Христијан Мицкоски, понатаму Душан Адамовиќ и претседателот на СНС, сестринската партија на ВМРО-ДПМНЕ, Милош Вучевиќ.
Адамовиќ, значи, е негов пријател и бизнис партнер. Рековме неколку пати – човек со криминално досие, висок функционер на СНС, кој се поврзува со петте тони дрога запленета врз основа на информација од ДЕА. Сè е лага. Сите настапи, целата политика на Мицкоски всушност е лага. Граѓаните веќе знаат дека неговите зборови ништо не значат.
Она што мораме на крај да го констатираме е следното. А и вие сте тука како претставници на медиумите. 40% од медиумите се под контрола на мрежата на Орбан и тоа е начинот на којшто таа шарена лага успева да допре до граѓаните и ние ќе се бориме против тоа.
Почитувани граѓани, владејачката партија лаже. Мицкоски не само што лаже, Мицкоски многу лаже. Не дозволувајте повеќе овој човек да ве лаже и понатаму.
Центар за комуникации со јавноста на СДСМ
Фото: СДСМ
