(ВИДЕО) ЖЕСТОК РАЗГОВОР МЕЃУ ТАКЕР КАРЛСОН И „ЈАСТРЕБОТ“ ТЕД КРУЗ: Милиони деца загинаа во Украина, вие го поддржавте тоа и никогаш не се извинивте!

Дел од жестокото интервјуто на Такер Карлсон со сенаторот Тед Круз кој ги смета Путин и Русија за непријатели на САД и кој смета дека Европа не треба да добива ефтин гас и нафта од Русија. Во овој сегмент расправаат за тоа што доведе до војна во Укрина во која, како што вели Карлсон, загинаа милиони деца, а Круз тоа го поддржал и го праша дали ќе се извини за тоа.

КАРЛСОН: Јас сум производ на последните 25 години внимателно набљудување и гледам бескрајна низа катастрофи во надворешната политика што ја осиромашија и повредија нашата земја – бескрајна низа. Бесконечна низа. Тие би ги вклучувале Авганистан, Ирак, Либија, Сирија и нашата неспособност да ги запреме Хутите, патем, во Јемен, што нè разоткрива како слаби. И тагувам поради тоа. Значи, ова се неуспеси. Вие помогнавте да претседавате со некои од нив како член на Сенатот.

КРУЗ: Со кои неуспеси во надворешната политика сум претседавал?

КАРЛСОН: Па, не бевме во можност да ја победиме Русија во војната што ја поддржавте против Русија. Вие – ги поминавте последните 3 години кажувајќи ни дека Владимир Путин е злобен и дека ќе го победиме со децата на другите луѓе, а милион од тие деца сега се мртви. Никогаш не сте се извиниле за тоа.

КРУЗ: Бројот на лаги што ги кажувате само во една изјава се – се – се прилично…

КАРЛСОН: Не ја поддржавте војната против Русија?

КРУЗ: Значи, војната против Русија беше предизвикана, што го објаснив многу детално, од слабоста на Џо Бајден.

КАРЛСОН: Но, ја поддржавте војната.

КРУЗ: Ако сакате да разговараме, можеме да разговараме за Русија и Украина. Со задоволство ќе разговарам за тоа.

КАРЛСОН: Дали мислите дека тоа беше успех?

КРУЗ: Не, тоа беше апсолутна катастрофа.

КАРЛСОН: Добро, но ја поддржавте. Не треба ли да се извините за тоа?

КРУЗ: Не, нема да се извинувам!

КАРЛСОН: Но, тоа е мојата поента – никој никогаш не вели дека ми е жал.

КРУЗ: Дали сакате да разговараме? Можеме да разговараме, во ред?

КАРЛСОН: Да, сакам да разговрааме: Но, оваа војна е вистинска катастрофа за Соединетите Американски Држави. Вие ја поддржавте…

КРУЗ: Дали верувате дека слабоста на Џо Бајден ја предизвика војната во Украина?

КАРЛСОН: Мислам дека агресијата на Џо Бајден ја предизвика.

КРУЗ: Неговата агресија? Каква агресија?

КАРЛСОН: Тој побара Украина да се приклучи на НАТО. Како тоа им помага на Соединетите Американски Држави?

КРУЗ: Тоа беше ужасна идеја. И јас енергично се спротивставив на приклучувањето на Украина кон НАТО.

КАРЛСОН: Но, тоа ја предизвика војната!?

КРУЗ: Не, не… Дали сакате да знаете што ја предизвика војната? Видете, вас всушност не ве интересираат фактите…

КАРЛСОН: Добро, кажете ми. Видете, апсолутно сте во право и ми е жал. Тоа е моја грешка. И го мислам ова со искреност. Жал ми е што ви го правам ова. Мислам дека е толку очигледно дека испраќањето на Камала Харис на безбедносната конференција на НАТО за да каже дека Украина ќе се приклучи кон НАТО е она што ја предизвика инвазијата неколку дена подоцна.

КРУЗ: Добро, ова ќе потрае неколку минути за да се објасни бидејќи е комплицирано, но мислам дека фактите се важни. Мислам дека две работи ја предизвикаа војната во Украина.

Прво: Мислам дека неверојатната слабост на Бајден и катастрофалното повлекување од Авганистан. Сега, верувам дека требаше да го напуштиме Авганистан, но не со некомпетентноста што беше вклучена – тоа доведе до убиство на 13 војници и жени од страна на терористите таму. Начинот на кој Бајден го направи тоа беше катастрофален. И мислам дека нашите непријатели погледнаа кон врховниот командант и рекоа: „Овој – овој претседател е слаб“. И кога тоа повлекување беше толку катастрофално, јавно реков во тоа време, шансите Путин да ја нападне Украина се зголемија десеткратно…

КАРЛСОН: Добро.

КРУЗ: Но второ – и – и – и ова е критично важно… –

КАРЛСОН: Се согласувам. Тоа повлекување беше изведено ужасно…

КРУЗ: И тоа беше главна причина, сите наши непријатели велеа: „Еј, овој претседател е слаб“. Патем, да ви кажам, јас ја презирам војната. И – и мислам дека слабоста и изолационизмот предизвикуваат војна, затоа што на тој начин како да ја поканувате агресија. Затоа се согласувам со мирот преку сила на Роналд Реган. Најдобриот начин да избегнете војна е да бидете доволно силни за вашите непријатели да не сакаат да се задеваат со вас.

Но, да се вратиме на Украина и Русија. Погледнете, Путин не се разбуди некое утро пред две години и одлучувајќи дека сака да ја нападне Украина. Тој сакаше да ја нападне Украина со децении. Путин се осврна на распадот на Советскиот Сојуз како, цитирам, „најголемата геополитичка катастрофа на 20 век“. И Путин одамна е експлицитен. Неговата желба е да го обнови стариот Советски Сојуз и, всушност, да ја обнови Руската империја што беше уште поголема од тоа. Ако сакате да го обновите Советскиот Сојуз, природното место за почеток е – Украина.

КАРЛСОН: Дали – дали навистина верувате дека Путин има територијални аспирации кон Источна Европа?

КРУЗ: Да.

КАРЛСОН: Кон кои земји?

КРУЗ: Ах, тој го кажа тоа. Можете да одите и да го прочитате неговото… Почекајте. Јас не сакам да ја изгубам приказната за тоа што се случило. Значи, ќе се вратиме на пова, но прво да ја довршам мислата. Затоа, дозволете ми да го објаснам ова, само дајте ми неколку минути да ги изложам фактите за тоа што се случило.

Тој долго време сакаше да ја нападне Украина, и го стори тоа и претходно. Во 2014 година, тој ја нападна Украина го нападна Крим—кога Барак Обама беше претседател. Тој го нападна јужниот дел. Тој не го нападна остатокот од земјата. Зошто? А причината е што главниот извор на приходи за Русија се нафтата и гасот. А цевководите за природен гас минуваат низ Украина. И тој не сакаше да ја загрози својата способност да доставува гас до Европа.

КАРЛСОН: Добро.

КРУЗ: Па така, во 2015 година, Путин започна проект наречен Нордстрим 2…

KАРЛСОН: Дали се случи нешто во 2014 година?

КРУЗ: Во однос на што?

КАРЛСОН: Немаше ли државен удар во Украина спроведен од администрацијата на Обама?

КРУЗ: Да завршам со мислата. Во 2015 година, Путин започна со изградба на Нордстрим 2. Нордстрим 2 е подводен гасовод што се протега од Русија до Германија. Целата цел на Нордстрим 2 е, кога ќе биде завршен и вклучен, да ѝ дозволи на Русија да ја заобиколи Украина и да го донесе својот гас директно во Европа.

Во 2019 година, Нордстрим 2 беше речиси завршен. И конвенционалната мудрост во Вашингтон беше: „Ова е ужасно, но нема нешто што можеме да направиме во врска со тоа“. Јас не верував во тоа. Затоа изготвив закон за санкции што беше насочен кон запирање на гасоводот. Мојот закон помина во Сенатот со огромна двопартиска поддршка. Помина и во Претставничкиот дом. И Доналд Трамп го потпиша законот.

КАРЛСОН: Зошто, можам ли да прашам, зошто не би сакале Германија да има евтина енергија?

КРУЗ: Затоа што тоа ја зајакнува Русија. И јас верувам во тоа нашите непријатели да бидат послаби, а нашите пријатели посилни.

КАРЛСОН: Дали минирањето на Нордстрим ја направи Германија посилна?

КРУЗ: Хм, тоа што не сме зависни од Русија ја направи Германија посилна.

КАРЛСОН: Значи, мислите дека Германија е посилна сега отколку што беше пред четири години?

КРУЗ: Мислам дека тоа што не е зависна од Русија ја прави послина. Германија има секакви проблеми, а многу од нив се внатрешни…

КАРЛСОН: Но, почекајте, Германија изгледа многу послаба сега кога нејзините трошоци за енергија се зголемија, а производствениот сектор се урива поради тоа…

КРУЗ: Дозволете ми да завршам. Јас сум фокусиран на интересите на Америка. Не сакам Русија да биде посилна затоа што верувам дека Русија е наш непријател. Вие и јас не се согласуваме за тоа. Можеме да разговараме за тоа. Но, јас сакам нашите непријатели да се послаби. Не сакам да војуваме со Русија, но ги сакам нашите непријатели послаби. Не сакам Европа да зависи од Русија. Не сакам Путин да биде богат со приходи од нафта и гас и да може да инвестира во својата војска и да претставува закана за Америка.

Значи, законот за санкции што го напишав јас – беше усвоен. Путин престана да го гради Северниот тек 2 буквално истиот ден кога претседателот Трамп го потпиша мојот закон за санкции. Тој го потпиша – ако добро се сеќавам – во 19:00 часот во четврток. Путин ја прекина изградбата во 18:45 часот. Значи, законот за санкции функционираше. И го уништи гасоводот. Гасоводот беше неактивен повеќе од една година – само парче метал на дното на океанот.

Џо Бајден дојде на функција. Тој положи заклетва на 20 јануари 2021 година. Путин ја продолжи изградбата на гасоводот „Нордстрим 2“ во морето четири дена подоцна – 24 јануари. Тој го стори тоа затоа што Бајден најави слабост по тоа прашање и неколку месеци подоцна, тој формално се откажа од санкционирањето поради Нордстрим 2 и му дозволам на Путин да го заврши гасоводот.

Во јануари 2022 година, јас изнудив гласање во Сенатот за повторно воведување санкции врз Нордстрим 2. Во неделата на гласањето, претседателот Зеленски во Украина јавно го повика Сенатот: „Ве молам, усвоете го овој закон за санкции. Тоа е последната најдобра надеж да се спречи Русија да ја нападне Украина.“ Во исто време, Владата на Полска издаде формална изјава од Министерството за надворешни работи до Сенатот, повикувајќи го Сенатот да го усвои мојот закон за санкции и рече: „Ако не го сторите тоа, Путин ќе ја нападне Украина.“

На денот на гласањето, Џо Бајден дојде во Капитол Хил – тоа е прв пат во неговото претседателствување да го стори тоа. Тој отиде на ручек со демократските сенатори и лично лобираше кај нив за ова прашање – не за кое било друго прашање. Ова беше неговото прашање број еден за кое дојде да лобира кај нив. Тие излегоа од тој ручек – секој демократ гласаше со мене двапати против Нордстрим 2. После средбата со Бајден, четириесет и четири демократи се свртеа и гласаа во корист на Русија, во корист на Путин. И четири недели подоцна, Русија ја нападна Украина.

Тоа беше директната причина за војната. И ако Трамп беше претседател, немаше да има војна.

КАРЛСОН: Па, можам ли да прашам – секако дека целосно не се согласувам со вашата анализа…

КРУЗ: Кажете ми со што не се согласувате.

КАРЛСОН: Тоа е… јас ги поминав последните неколку години на ова. И едноставно не се согласувам со вашата анализа. Но, не се сомневам во вашата искреност, дека верувате дека Путин е наш непријател, дека на Западна Европа не треба да ѝ биде дозволено да користи руска енергија. Мислам, се чини дека навистина верувате во овие работи.

Моето прашање е за резултатите. Бидејќи мислам дека е релевантно за она што го гледаме сега во Иран. Гледате назад откако – лично гласавте да испратите милијарди и милијарди и милијарди американски даночни долари на Зеленски за да ја поддржите неговата државна служба и војната против Русија и сите овие работи – можете ли да кажете дека она што го направивте функционираше?

КРУЗ: Значи, можам да кажам дека она што го направив лично – санкционирањето на Нордстрим 2 – функционираше и спречи војна. И ако Трамп сè уште беше таму, ако санкцијата беше на сила, немаше да има војна. Јас сум за избегнување војни…

КАРЛСОН: Но, откако избувна војната, гласавте за нејзино финансирање во износ од милијарди и милијарди и милијарди. Дали тоа функционираше?

КРУЗ: Добро, да биде јасно за што гласав: гласав за првата транша од финансирањето, а потоа гласав против следната. Значи, не функционираше и јас бев помеѓу. Не бев на страната на целосно тврдоглавите украински јастреби или противник од првиот ден. Гласав за почетното финансирање, затоа што сакав Русија да изгуби.