ЗОШТО И КАКО БИЛЕ ЛАЖЕНИ АМЕРИКАНЦИТЕ ЗА КОВИД, КОЛКУ ЗАРАБОТИЛЕ ФАЈЗЕР И МОДЕРНА…: Од сослушувањето на Валенски во американскиот Конгрес

Конгресменот од Републиканската партија Џим Џордан и други конгресмени, ја испрашуваат бившата директорка на американскиот Центар за контрола на болести и превенција-ЦДЦ, Рошел Валенски, која беше директор на Центарот за време на КОВИД пандемијата. Џордан е еден од најупорните борци да се истражи вистината за КОВИД, за мНРА вакцините и за улогата на Валенскаја и на Антони Фаучи во епидемијата. Ова е разговор за тоа зошто биле лажени Американците дека вакцинираните не се заразуваат и не пренесуваат КОВИД, колку милијарди заработиле Фајзер и Модерна, дали вирусот бил произведен во лабораторија, зошто беа советувани бремените жени да се вакцинираат, штетните последици од вакцините итн…

Џим ЏОРДАН:
„Докторке, зошто вие и администрацијата на Бајден го доведете во заблуда американскиот народ?

Д-Р ВАЛЕНСКИ:
„Треба да кажете повеќе“.

ЏОРДАН:
Еве што рековте на „29 март 2021 година: „Вакцинираните луѓе не го носат вирусот, вакцинираните луѓе не се разболуваат“. Ги добивме тие информации од клиничките испитувања, но и податоци од реалниот свет, ми се чини дека има голем број изјави што ги дадовте тогаш, кои не се точни. Дали вакцинираните луѓе го носат вирусот?

ВАЛЕНСКИ:
„Во март 2021 година поголемиот дел од податоците покажаа дека мнозинството луѓе не се заразувале доколку се вакцинирани.

ЏОРДАН:
„Не го рековте тоа, вие рековте дека вакцинираните луѓе не го носат вирусот. Дали беше тоа точно?

ВАЛЕНСКИ:
„Генерално беше точно.

ЏОРДАН:
„Генерално точно? Зошто да не биде само точно? Зошто едноставно не ја кажувате вистината на американскиот народ? Зошто на американскиот народ не му го кажувате истото што ми го кажавте сега? Ние ја плаќаме вашата плата. Владата треба да биде од народот, за народот. Зошто само да не ни ја кажете вистината?

ВАЛЕНСКИ:
„Зборував…“

ЏОРДАН:
„Шест недели подоцна, рековте дека ако некој се зарази, а е вакциниран, не можете да зарази никој друг. Дали тоа беше точно?

 ВАЛЕНСКАЈА:
„Кој беше датумот на тоа?

ЏОРДАН:
„19 мај 2021 година“.

ВАЛЕНСКИ:
„Во тоа време, го имавме сојот Вухан, а потоа и сојот Алфа. Тоа беше сојот Алфа што циркулираше и тоа беше генерално точно.

ЏОРДАН:
„Генерално точно пак, зошто не им кажевате на Американците дека тоа е само генерално точно?

ВАЛЕНСКИ:
„Не можев да ви ги кажам точните податоци за ефикасноста на вакцината за симптоматска болест и тешка болест во тоа време. Она што можам да ви го кажам е дека генерално видовме дека ако се заразите откако сте биле вакцинирани, не заразувате други“.

ЏОРДАН:
Но, знаеме дека тоа не е точно.

ВАЛЕНСКИ:
Беше во тоа време.

ЏОРДАН:
Навистина?

ВАЛЕНСКИ:
„Во мај 2021 година, тоа беше точно за варијантата Алфа“.

ЏОРДАН:
Дозволете ми да ве прашам за сите општи изјави што му беа дадени на американскиот народ. Дали тоа беа парите на нардоот кои беа трошени во лабораторијата во Кина?

ВАЛЕНСКИ:
„Тоа е нешто за што треба да разговарате со Националниот институт за здравје-НИХ“.

ЏОРДАН:
„Нашите даночни долари беа искористени. Сигурно изгледа како да е gain of function (истражување за создавање вештачки вируси, н.з.) истражување. Сигурно изгледа како да потекнува од лабораторија, а имавме неколку федерални агенции кои рекоа дека всушност оттаму потекнува вирусот. Бајден администрацијата ни кажа дека вакцинираните не можеле да се заразат, знаеме дека тоа не е точно. Ни рекоа дека вакцинираните не можат да го пренесат вирусот, ни рекоа дека не постои пририоден имунитет. Тоа ми се чини дека се седум различни изјави кои се покажаа како неточни, што ги добивме од оваа администрација, зошто само да не му ја кажеме вистината на американскиот народ?“

ВАЛЕНСКИ:

„Би оспорила дел од она што штотуку го кажавте. Во октомври 2021 година, ЦДЦ објави научен бриф во кој ја истакнува целата наука што беше таму за имунитетот предизвикан од инфекција. Не ја знам долгата листа што ја спомнавте, но има бројни области каде што обезбедивме научни податоци за американскиот народ“.

ЏОРДАН:
„Всушност мислам дека она што се случи е дека се обидовте да бидете искрени со американскиот народ, а администрацијата на Бајден ве прекина. Се сеќавате кога го кажавте ова во февруари? Ова е пред да ги дадете овие изјави, кои мислам дека не се согласуваат една со друга. Рековте: „Вакцинирањето на наставниците не е предуслов за безбедно повторно отворање на училиштата“. Дали ја дадовте таа изјава?”

 ВАЛЕНСКИ:
„Нешто слично. Не можам точно да го кажам цитатот, но да.

ЏОРДАН:
Вакцинациите на наставниците не беа предуслов за безбедно повторно отворање на училиштата. Мислам дека ја дадовте таа изјава на 3 февруари. Дали останувате на таа изјава?”

ВАЛЕНСКИ:
„Во тоа време, да. Имавме оперативно упатство една недела подоцна или 10 дена подоцна, кое демонстрираше повеќеслојни стратегии за ублажување и дека можете безбедно да ги…“

ЏОРДАН:
„Дали зборувавте како докторка или како шеф на ЦДЦ?

ВАЛЕНСКИ:
„Реков дека додека бев пред Конгресот и медиумите, на прес-конференции, за време на мојот мандат како директор на ЦДЦ, зборував како директор на ЦДЦ“.

ЏОРДАН:
„Но, тоа не е она што го кажа Белата куќа, нели? Џен Псаки рече дека д-р Валенски зборуваше за ова во нејзино лично својство. Дали се сеќавате на таа изјава?

ВАЛЕНСКИ:
„Се сеќавам.”

ЏОРДАН:
„Кој е во право, Псаки или вие”

ВАЛЕНСКИ:
„Ќе ви кажам дека зборував како директор на ЦДЦ.”

ЏОРДАН:
„Ми изгледа како она што се случи во февруари со изјавите на Псаки, е отприлика ваква: „Ќе бидам искрена со американскиот народ, ќе кажам директно: вакцинацијата на наставниците не е предуслов за безбедно отворање на училиштата“. Администрацијата на Бајден ве остави на цедило. „Не, таа не зборува во наше име, не зборува како директор на ЦДЦ туку како д-р Валенски”. Потоа, еден месец подоцна, рече: „Па, знаете што, подобро да не бидам целосно искрена со американскиот народ па ќе кажам дека вакцинираните луѓе не го носат вирусот и не се разболуваат“. И сите велат: „Леле, познавам некој што бил вакциниран, а потоа се разболел“. Мислам дека она што се случи е дека се обидовте да бидете искрени, а тие рекоа не. И тогаш рече: „Па, ќе морам да се заштитам малку. Ќе морам да му дадам на американскиот народ погрешни изјави од шефот на ЦДЦ“. Зборувавте како шеф на ЦДЦ во двете ситуации, нели?“

ВАЛЕНСКИ:
„Реков дека зборував како шеф на ЦДЦ“.

ЏОРДАН:
„Па, би било убаво ако сте биле искрени и директни со американскиот народ секој пат“.

Г-ѓа ЛЕСКО:
„Ви благодариме, д-р Валенски… Следното прашање е дека претходно кажавте дека целта на ЦДЦ е да ги извлече најточните информации навреме, најновите податоци или нешто во таа насока. Само што ја погледнав веб-страницата на ЦДЦ. Таму стои: „Користете маски за да го забавите ширењето на КОВИД-19“. Конкретно се вели дека маскирањето е критична алатка за јавно здравје и важно е да се запамети дека секоја маска е подобро од без маска. Носете ја најзаштитната маска која постојано ќе ја носите. Носењето висококвалитетна маска заедно со вакцинација, само-тестирање и физичко дистанцирање помага да се заштитите самите и другите со намалување на шансите за ширење на КОВИД-19. Д-р Валенски, зошто вие и вашиот персонал не носите маски?

ВАЛЕНСКИ:
Затоа што имаме упатство на нашата веб-страница што вели дека носењето маски може да биде поврзано со нашите нивоа на хоспитализација, нашите локални нивоа на хоспитализација и во моментов над 99% од државите, за среќа, го велат тоа.

Г-ѓа ЛЕСКО:
Но тоа не го пишува на вашата сопствена веб-страница за маски на ЦДЦ?

ВАЛЕНСКИ:
Па, постои врска меѓу нашите нивоа на хоспитализација за да се каже кога треба да носите маски. Имаме и таму дека луѓето можат и треба да носат маска кога сакаат. Во оваа соба има луѓе кои носат маски.

Г-ѓа ЛЕСКО:
Но, на вашата веб-страница, сте кажале дека ги давате најновите информации, податоци. Вашата веб-страница вели дека треба да носите маска покрај вакцинацијата, но вие и вашиот персонал не носите маски. Не разбирам.

ВАЛЕНСКИ:
Нашата веб-страница има контекст во неа, нели? Се разбира, постои врска меѓу нивоата на хоспитализација во нашата заедница, а тие нивоа на хоспитализација даваат препораки за тоа каде да се маскира.

Г-ѓа ЛЕСКО:
Но, тоа не е на оваа едноставна страница што ја гледа јавноста. Значи, дали можам да предложам да ја ажурирате вашата сопствена веб-страница за ЦДЦ за маските? Ви благодариме, д-р Валенски. Сега го претставувам претседателот на целосниот комитет, г-дин Комер, од Кентаки, за пет минути прашања.

КОМЕР:

Ви благодарам. ЦДЦ често комуницираше со големи технолошки компании и компании за социјални медиуми за да ја координира цензурата на објавите во кои се изразува скептицизам или критика за вакцините КОВИД-19. Д-р Валенски, има ли разлика помеѓу медицински мислења и дезинформации?

ВАЛЕНСКИ:

Има работи кои се научно докажани одново и одново во литературата, а тие на крајот стануваат факти. Но, мислам дека има начини да се толкува тоа.

КОМЕР:

На пациентите често им се советува да добијат второ мислење за медицински совет. Сепак, записите на ЦДЦ покажуваат дека службениците на ЦДЦ понекогаш ги означуваат објавите на социјалните мрежи за кои сметаат дека се дезинформации. Моето прашање е: дали ЦДЦ работи со приватни компании за да влијае на цензурата на несогласувањето за вакцините?

ВАЛЕНСКИ:

Знаете, таа тема е онаа што се води во судски спор, затоа нема да зборувам за тоа.

КОМЕР:

Неодамна, извршниот директор на Мета, Марк Цукерберг, рече дека за време на пандемијата на КОВИД-19, естаблишментот некако разбрануваше куп факти и побара да се цензурираат еден куп работи кои, во ретроспектива, на крајот беа повеќе дискутабилни или вистинити. Дали ЦДЦ работеше со Мета – или сè уште сакам да го наречам Фејсбук – за цензурирање или на друг начин менување на која било објава?

ВАЛЕНСКИ:

Еве што можам да ви кажам. Најважното нешто што не извлече од оваа пандемија, мислам, е нашата вакцина и колку добро функционираат и колку се безбедни. Беше навистина важно американскиот народ да разбере колку добро работеле и колку се безбедни. Но, во однос на комуникациите, тоа е повторно нешто за што нема да зборувам бидејќи моментално е во судски спор.

КОМЕР:

Нема да одговорите на прашањето?

ВАЛЕНСКИ:

Во моментов е во судски спор.

КОМЕР:

Тоа го слушам многу често за се што правиме. Во моментов е под истрага. Дали претседателот земал поткуп, д-р Џексон? Во моментов е под истрага. Дали ЦДЦ некогаш соработуваше со Фејсбук за да креира внатрешни политики за цензурирање на објави во врска со пандемијата на КОВИД?

ВАЛЕНСКИ:

Повторно, ова е нешто што е во судски спор. Она што ќе го кажам, сепак, е многу важно да се добијат точни фактички информации до луѓето за да се разбере огромната корист од овие вакцини.

КОМЕР:

Што е со Твитер? Можете ли да одговорите на тоа?

ВАЛЕНСКИ:

Повторно, под судски спор.

КОМЕР:

Значи, одбивате да одговорите на прашањето?

ВАЛЕНСКИ:

Не. Она што го велам е дека е во судски спор и ќе кажам дека најважната работа на која работевме во ЦДЦ беше да им ги соопштиме фактите на луѓето за да разберат на едноставен начин што е важно.

КОМЕР:

Политиката на Фејсбук за дезинформации за коронавирус, од 8 февруари 2021 година, рече дека ќе ги исчисти „лажните тврдења“, вклучително и идејата дека КОВИД-19 е вештачки или произведен. Директоре, дали ЦДЦ некогаш препорача Фејсбук или други компании да ги цензурираат објавите што ја промовираат теоријата за истекување на лабораториите?

ВАЛЕНСКИ:

Сите зборуваме за истото. Тоа се сите ситуации кои се во судски спор. Нема да зборувам за тоа.

КОМЕР:

Дали ЦДЦ некогаш препорача Фејсбук или други компании да ги цензурираат објавите што сугерираат дека вакцините не ја спречиле инфекцијата или ширењето на КОВИД-19?

ВАЛЕНСКИ:

Она што беше најважно за ЦДЦ беше да добие информации за тоа колку добро функционираат вакцините и колку се безбедни. Многу од прашањата, сите прашања што ги поставувате, се на иста линија, тие во моментов се во судски спор.

КОМЕР:

Во еден email, официјален претставник на ЦДЦ му кажува на вработен во Твитер дека „ЦДЦ работи на проект со цензура за да ја искористи нивната инфраструктура за да ги идентификува и следи социјалните медиуми за дезинформации за вакцините“ и дека „би сакале можност да работат со тимот за доверба на Твитер на редовна основа да разговараат за тоа што го гледаат“. Значи, директоре, дали ЦДЦ соработуваше на редовна основа со Твитер или други компании за следење или цензурирање на дезинформациите за вакцините?

ВАЛЕНСКИ:

Конгресмен, мојот одговор е ист. Тоа е истата линија на испрашување. Сакавме да добиеме важни информации до луѓето за да ги фаворизираат вакцините бидејќи тие делуваат, спречуваат тешки болести и смрт.

КОМЕР:

Разбирам, но излегува дека некои од перспективите што владата ги цензурираше – како теоријата за истекување на лабораторија и некои прашања за вакцината – беа точни цело време. Но владата го цензурираше тоа. Можно истекување на лабораторија. Јас би рекол и дека истекувањето на вирусот од лабораторија е веројатно. Дури и некои во владата признаа дека вакцината не го спречила ширењето или инфекцијата. Не велам дека беше сосема лошо, но не го спречи ширењето или инфекцијата.

ВАЛЕНСКИ:

Всушност, ако може да ве поправам, и тоа првично, тоа го направи за видот Вухан и за видот Алфа. Сите рани податоци во литературата објавена во Њу Ингланд Журнал покажаа дека за тие соеви, ако не сте се заразиле, не сте ги пренесувале на други луѓе, и имале многу висока ефикасност рано, до 96%. Работите се сменија со текот на времето.

КОМЕР:

Извинете што ве прекинувам, но времето ќе ми истече. Тоа е нешто што овој комитет ќе продолжи да го истражува. Во однос на цензурата, цензурирањето на различни мислења е неприфатливо и тоа е нешто што оваа избрана комисија треба да го истражи. Не треба тоа да се случи повторно, и со нетрпение очекувам да се обидам да му ја претставам вистината на американскиот народ за тоа каква улога имала владата во цензурирањето на различните медицински мислења, кои може да се покажат како вистинити.

ВЕНСТРУП:

Сега ја претставувам г-ѓа Грин од Џорџија за пет минути прашања.

ГРИН:

Ви благодарам. Д-р Валенски, доаѓа крајот на вашиот мандат како директор на ЦДЦ, кој го започнавте во јануари 2021 година. Слушнавме дека денес велите дека вакцините за КОВИД-19 се безбедни и ефективни, но она за што би сакала да разговарам со вас денес се 1,5 милиони извештаи на VAERS кои исто така пријавиле 35.000 смртни случаи поврзани со вакцината против КОВИД-19, и ова тоа е она што многу Американци го чувствуваат како главно игнорирано прашање. Тие се чувствуваат како ЦДЦ целосно да ги игнорираше извештаите, тие се чувствуваат како вие како директор на ЦДЦ целосно да ги игнориравте нивните извештаи, и јас би сакала да зборувам за тоа малку.

Во 2020 година, беше доцна во 2020 година кога беше одобрена вакцината за КОВИД-19 на Pfizer. Но, во 2021 година, кога беа наложени вакцините, тоа беше федерален мандат на 9 септември 2021 година. Беа потребни федерални вработени и изведувачи, 90% од 3,5 милиони луѓе вработени или договорени во рамките на федералната влада добија најмалку една доза од вакцината. Вакцински картички беа широко барани во градовите управувани од демократите низ целата земја, во основа за да станат член на општеството. И во 2021 година, извештаите за КОВИД-19 вртоглаво се искачија на број еден со 728.129 пријави. Втора беше вакцината против херпес, Зостер со нешто повеќе од 14.000. Тоа е огромна бројка, а бројките постојано растеа и растеа и растеа во извештајот на VAERS. Исто така, би сакала да разговарам со вас за тоа колку пари американските даночни обврзници беа принудени да платат на Pfizer и Moderna за вакцини. Владата ги плати Pfizer и Moderna во 2020, 2021 и 2022 година. Pfizer доби 15,27 милијарди долари; Модерна доби 9,99 милијарди долари. Pfizer, во 2021 година, забележа пораст на приходите од 95%. Модерна ги зголеми приходите во 2020 за 1 238%, во 2021, 2 200%, благодарение на американските даночни обврзници, каде што пари беа вложувани кај овие огромни фармацевтски компании за овие вакцини. И покрај тоа што е доста импресивно што Pfizer ширум светот отиде од 190 милијарди долари токму таму кон почетокот на 2021 година и вртоглаво се искачи на крајот на 2021 година на 330 милијарди долари ширум светот. Тоа е доста импресивно, благодарение на американскиот даночен обврзник и благодарение на директорот на ЦДЦ, д-р Валенски, која рече дека вакцините се безбедни и ефективни. Исто така, би сакала да разговарам со вас во име на сите трудници, а не „луѓе“ како што ги нарекувате. Да ве цитирам на 11 август 2021 година, „ЦДЦ ги охрабрува сите бремени луѓе“ – тоа се жените, патем – „кои размислуваат да забременат и оние што дојат да се вакцинираат за да се заштитат од КОВИД-19“. Ова исто така беше игнорирано: количината на спонтани абортуси и мртвородени деца кои драстично се зголемија поради вашиот совет да се вакцинираат, бремените жени, повторно, не „луѓе“. И тогаш би можеле да продолжиме и понатаму за трагичните приказни за миокардитисот и многу други работи. Но, моето прашање за вас денес, д-р Валенски, е сега кога наскоро ќе го напуштите ЦДЦ, каква работа ќе заземете? Дали ќе бидете во одборот на Pfizer или Moderna? Затоа што убаво успеавте да им помогнете да направат многу пари.

ВАЛЕНСКИ:

Ви благодариме за тоа прашање. Можеби прво ќе коментирам дека ЦДЦ не е одговорен за купување вакцини, така што не можам да зборувам за таа економија за која зборувавте. Сакам да зборувам малку за Системот за известување за несакани настани од вакцината ВАЕРС. Тој систем е наменет за секое лице кое примило вакцина. Ако имаат несакан настан после таа вакцина, без разлика дали е поврзан со вакцината или не, тие го пријавуваат. Наменет е да има прекумерно известување. Повеќето од вакцините што се даваа – запомнете, дадовме 676 милиони дози од таа вакцина – каков било несакан настан, дури и ако ве удри камион откако сте ја добиле вакцината, е пријавено во Системот за известување за несакани настани за вакцина. Ние во ЦДЦ имаме одговорност да ги провериме секои од нив, да ги прегледаме медицинските табели и да видиме дали се поврзани. Случајот е дека вакцината не спречува…

ГРИН:

Госпоѓа Валенски, Вие не направивте ништо за тоа и продолживте да туркате вакцини. Тоа е она за што се грижи американскиот народ.

ВАЛЕНСКИ:

Ги разгледуваме сите работи што влегуваат во Системот за известување за несакани настани од вакцината. Би била среќна нашиот персонал да го едуцира вашиот персонал за работата.

ГРИН:

Не сакам мојот персонал да биде образован. Треба да го едуцирате американскиот народ за она што сте го направиле со 1,5 милиони извештаи бидејќи тие се чувствуваат како да не сте направиле ништо и да продолжат да велат „безбедно и ефективно“.

ВАЛЕНСКИ:

Можеби само ќе завршам со тоа што ќе кажам дека немам планови откако ќе се повлечам. Ви благодарам.