Основана Македонска медиумска асоцијација на приватни национални телевизии

Поврзани вести

Националните приватни  телевизии  Алфа, Телма, Сител, Канал 5 и Алсат М ќе се залагаат за своите права на пазарот преку заедничка асоцијација во рамки на Стопанската комора на Македонија.

iii

На денешната конститутивна  седница за претседател на ММА е избран Иван Мирчевски, генерален директор на Канал 5, а за заменик Атанас Кировски, главен и одговорен уредник на Телма. Правилникот за работа на Асоцијацијата што досега функционираше како групација, според најавите, ќе биде готов за 15 дена. Прва средба  на раководството ќе биде со министерот за информатичко општетсво и администрација Иво Ивановски за  измени на медиумските закони.

–  Станува збор за асоцијација која пред се има цел да ги сублимира нашите заложби и детектирани проблеми  во системот, во законите, а особено во Законот за медиуми и Законот за аудио и аудиовизуелни медиумски услуги кои на директен начин не тангираат, рече на прес-конференција Мирчевски.

Уште од утре, укажа, на средба со министерот Ивановски ќе се обидат да ги променат деловите од законите за кои сметаат дека не се во полза на нивното работење.

– Ќе бараме од ресорното Министерство  и од другите министерства кога ќе имаат потреба да преговараат со претставници на медиумите тоа да го прават со нас затоа што сметаме дека сме носители на одлуките во нашите компании  и оти ова е асоцијацијата којашто треба да одговара, но и да има обврска за работењето на компаниите. Исто така ќе имаме средба со странските претставници за да им објасниме дека примарниот и релевантен партнер за преговори за евентуалните  промени и состојби во  македонското медиумско работење треба да бидат токму во оваа асоцијација, рече Мирчевски.

Според  министерот Ивановски,  досегашната соработка со телевизиите ќе продолжела и на ниво на Асоцијација за сите евентуални измени на законите, за сузбивање на нелојалната конкуренција при рекламирањето, за развој на медиумите со користење средства од медиа програмата на ЕУ…

Прашан дали ММА ќе биде трет субјект во дијалогот на Министерствотото, покрај со Здружението на новинари на Македонија и Македонската асоцијација на новинари,  Ивановски рече оти „се создала перцепција дека дијалогот е воден само со двете здруженија. – Ние го водевме  дијалогот со сите заинтересирани страни, а тоа може да го видите на самиот национален регистар за електронски  прописи ЕНЕР каде имавме над 70.000 коментари, а особено на исто и адекватно ниво  можеби и повеќе беа присутни овие телевизии кои денеска ја креираа асоцијацијата, рече Ивановски.

Според Кировски, на асоцијацијата не треба да се гледа како на здружение на новинари.  – Не станува збор на никакво здружение на новинари, туку  за асоцијација на приватни медиуми.  Новинарството и новинарската професија си имаат сосема поинакви проблеми од проблемите со кои се соочуваат  телевизиите како што е маркетингот, нелојалната конкуренција на пазарот со зрачење реклами од странски простори… Ова е посеопфатен проект од правата на новинарите, рече Кировски, коментирајќи го односот со ЗНМ и МАН.

Директорот на Агенцијата за аудио и визуелни медиумски услуги Зоран Трајчевски смета дека ММИ во иднина ќе им биде партнер на кој како регулатор на пазарот ќе се обраќаат при спроведување на законите и решавање на проблемите. Заеднички организирани, според Трајчевски, приватните ТВ концесионери во ММИ, ќе бидат многу помоќни во надминување на проблемите со кои се соочуваат без оглед на тоа дали се работи за регулирање на нивните односи со операторите на јавните комуникациски мрежи, со огласувачите и да се спречи нивото  на „рекламниот колач“  преку пуштање реклами преку странските канали кои се емитуваат во Македонија или делот на утврдување на нивната гледаност.

#Коментари

Останати вести од оваа рубрика:

Коментари

коментари

Back To Top