Од стартот на мерката Мој ДДВ од почетокот на минатиот месец досега се скенира девет милиони фискални сметки, а остварениот промет е околу 4,7 милијарди денари.
-Започна реализацијата на клучната мерка Мој ДДВ со која 15 отсто од платеното ДДВ им се враќа на граѓаните. Со тоа кај секое физичко лице се враќаат до 7.200 денари. Досега скенира се речиси 9 милиони фискални сметки со остварен промет од околу 4,7 милијарди денари. Истовремено растат платите во јавниот сектор, како и пензиите , а првпат кадарот во градинките доби покачување од 16 отсто или околу 3.000 денари повисока плата, истакнува директорката на Управата за јавни приходи Сања Лукаревска при посета на Штип.
Таа посочи дека првпат државата директно враќа пари назад на сметките на граѓаните.
