Изразувам голема благодарност на Европскиот Парламент за донесената резолуција со која се бара итен почеток на преговори со С. Македонија и Албанија, изјави вечерва премиерот Зоран Заев.
– Домот на европската демократија повика дека проширувањето е инструмент од исклучително значење за дополнителна европеизација на земјите што природно и припаѓаат на Европската Унија. Македонскиот народ заедно со сите свои сограѓани Албанци, Турци, Роми, Срби, Власи, Бошњаци и други, ќе работиме уште повеќе за да си ја направиме земјата поубаво место за живеење, европско катче на мултиетничкиот Балкан.
Европската Унија знае дека нашето место е во европското семејство. Ние сме и ќе бидеме подготвени за нивната позитивна одлука, објави Заев на Фејсбук.
