Песни од најдобрите музички поп легенди во целосно нови симфониски аранжмани, ќе бидат дел од програмата на утрешниот гала концерт по повод празникот Василица, со кој Македонската опера и балет (МОБ) ќе ја почне сезоната 2020.
На традиционалниот концерт, насловен „Легенди“ („Legends“), ќе настапат солисти, оркестарот и хорот на НОБ под диригентство на Бисера Чадловска.
Националната опера и балет, како што стои во објавата на нејзината Фејсбук страница, најавува вистинско и незаборавно уживање за публиката.
Концертот ќе има две изведби, на 12 и 13 јануари, од 20 часот.
