Напаѓачот на Милан, Златан Ибрахимовиќ, се очекува да биде целосно подготвен за натпреварите со Лацио и Јувентус во Серија „А“. 38-годишниот Швеѓанец се здоби со повреда на мускулот за време на тренинг и во моментов е надвор од акција.
Според „Кориере дела Сера“, Ибрахимовиќ ќе биде целосно опоравен за натпреварот со Лацио на 4 јули и со Јувентус три дена подоцна. Сепак, тој сигурно ќе ги пропушти првите четири натпревари по продолжувањето на сезоната, вклучително и реваншот со Јуве во полуфиналето на Купот на Италија.
За време на закрепнувањето, Златан ќе престојува во Италија и повеќе нема да се враќа во својата татковина, како што направи пред неколку дена.
За 10 дена ветеранот ќе помине нови тестови за да види како се одвива неговиот третман.
